नविन सिंह, येँ /
राष्ट्रपति रामचन्द्र पौडेलं गौतम बुद्धया जन्मभूमि नेपाः जूगुलिं सकल नेपाःमिया नितिं गौरवया विषय जूगु न्ह्यथनादीगु दु ।
२५६७ क्वःगु बुद्ध जयन्तीया लसताय् हसना बिसें राष्ट्रपति पौडेलं गौतम बुद्धं प्रतिपादन याःगु अहिंसा व शान्तिया हसना मनु, छेँज, समाज, दे व हलिंया सर्वोत्तम हित व प्रगतिया नितिं न्ह्याबलें प्रेरणा बीगु विश्वास प्वंकादिल ।
‘शान्तिदूत बुद्धया प्रेरणादायी उपदेश व मार्गदर्शनया पालना याये फुसा धार्मिक, सामाजिक व सांस्कृतिक विविधता दथुइ सहिष्णुता व थवंथवय् सद्भाव कायम यासें राष्ट्रिय एकतायात थप सुदृढ व सबल दयेके फइगु विश्वास जिं कयागु दु’, हसनाय् धयातःगु दु ।
पौडेलं बुद्धया अहिंसात्मक शान्ति हसना व उपदेशया स्मरण यासें एकता, सहिष्णुता, सद्भाव, अहिंसा व शान्तिया महान अभियानय् न्ह्यज्यायेत हलिंयाया सकल मनूतय्त प्रेरणा दयेमा धकाः भिंतुना देछानादीगु दु ।
0 Comments:
Post a Comment