बेलायतकी राजकुमारी केटयात क्यान्सर जूगु सार्वजनिक जूगु दु। वंगु जनवरीइ प्वाथय् समस्या खनेदुगुलिं अस्पताल भर्ना जुम्ह केटं थःत क्यान्सर खनेदुगु सार्वजनिक याःगु खः।
अस्पताल भर्ना जूगु स्वलालिपा शुक्रबाः छगु संकिपा हसना नापं थःगु उसाँय् बारे जानकारी ब्यूगु खः । उकि वयेकलं थःत क्यान्सरया न्हापांगु चरण खनेदुगु व केमोथेरापी न्ह्याकेत चिकित्सकं छ्याता ब्यूगु न्ह्यथनादीगु खः ।
थःत पायेछि हे जूगु व याकनं उसाँय् भिंकेगु ज्याखँ यानाच्वनागु वयेकलं न्ह्यथनादीगु दु । ४२ दँया केट क्रिसमसनिसें छुँ नं सार्वजनिक ज्याझ्वलय् खनेमदुनि । केन्सिङ्टन प्यालेसं केटयात क्यान्सर मजुगु व सामान्य शल्यक्रिया याःगु न्ह्यथंगु खः।
थ्व न्ह्यः बेलायतया जुजु चार्ल्स तृतीययात नं क्यान्सर जूगु सार्वजनिक जूगु खः।
0 Comments:
Post a Comment