यलय् भुखाचं पूर्ण क्षति जूगु ज्येष्ठ वर्ण महाविहार (ज्याबहाः ) पुननिर्माण जूगु दु । यल महानगरपालिका-१२ ज्याःबहालय् दुगु थूगु महाविहार १२ वैशाख २०७२ या भुखाचं पूर्ण क्षति जूगु खः । सहरी विकास मन्त्रालय अन्तर्गत केन्द्रीय आयोजना कार्यान्वयन इकाइपाखें भारत सरकारया वित्तीय ग्वाहालिइ थुगु महाविहारया पुनर्निर्माण याःगु खः ।
थुकि प्राविधिक ग्वाहालि भारतीय राष्ट्रिय ट्रस्टं याःगु खः । नेपाःया परम्परागत बहि वास्तुकला, काष्ठकलाया संयोजनय् देकुगुलिं १४ करोड ५९ लाख १३ हजार खर्च जूगु सहरी विकास मन्त्रालयं न्ह्यथंगु दु । शुक्रबाः सहरी विकास मन्त्री धनबहादुर बुढा व नेपाःया नितिं भारतीय राजदूत नवीन श्रीवास्तवं पुनर्निर्मित महाविहरया मंका उलेज्या याःगु खः ।
0 Comments:
Post a Comment