शिक्षाया नामय् पचली भैरव आजुया गुथिया जग्गाय् स्कूलया भवन दयेकेत्यंगुलिं थौं पचली भैरव गुथिया जग्गायात कयाः बृहत सहलह लिपा दयेकाच्वंगु भवनया जग स्थनियबासीं थुनाब्यूगु दु ।
महेन्द्र सरस्वति सेवा बिद्यालयं गुथिया जग्गाय् न्हूगु भवन दयेकेत स्वगु धासें स्थानियवासित बिरोधय् कुहाँ वःगु ख: ।
थौं जुगु सहलह मुज्याय् नेवा: देय् दबुया नाय: नरेश ताम्राकार, हलिं नेवा: गुथिया संरक्षक शान्त प्रकाश श्रेष्ठ, ज्यापू महागथि नेपाः येँ महानगर समितिया कार्यवाहक नायः नानीहिरा महर्जन, नेवाः जागरण मंचया नायः सुजिब बज्राचार्य, सडक बिस्तार संघर्ष समितिया नायः सुमन साय्मि, राष्ट्रिय पहिचान संरक्षण समितिया संयाेजक गणपतिलाल श्रेष्ठ नापं थीथी बक्ता पिन्सं दयेकाच्वंगु भवन पिइमाःगु माग यासें थ:गु नुग खँ त:गु ख: ।
१२ वडाया वडा अध्यक्ष बिकास डंगोलयात स्थनियबासी पिन्सं पचली भैरव गुथिया जग्गाय् दयेकेत्यंगु स्कुल दिकेत माग यासें घेराबन्दी यानाच्वन्गु :
१२ वडाया वडा अध्यक्ष बिकास डंगोलयात थों शनिवाः स्थनियबासी पिन्सं पचली भैरव गुथिया जग्गाय् दयेकेत्यंगु स्कुल दिकेता माग यासे घेरा बन्दी यागु दु l
Posted by Newa News on Saturday, 20 July 2019
छ्याता
फेसबुक छ्याता