थाैं मचाछेंया म्हूतुया क्यान्सर सम्बन्धी निशुल्क शिविर जुयाच्वंगु दु । टेकु ओन्देया नारायण परिवार क्लबया स्वास्थ्य सेवा केन्द्रय् जुइगु शिविरय् मचाछेंया चेकजाँच नापं क्यान्सर स्क्रिनिंग जुइगु क्यबया नायः प्रचण्डमान बज्राचार्यं न्ह्यथनादिल । क्लबया पुलाम्ह नायः समाजसेवी चक्रमान डंगाेलया प्यक्वगु पुण्यतिथिइ थुगु शिविर तयेत्यंगु खः । सुथः ९ बजे नां दर्ता सुरु जूगु खःसा शिविर १० बजे निसें २ बजेतक तयातःगु दु । विशेषज्ञपाखें चेक याइगु शिविरय् अप्रेशनया नितिं थथें रिफर तकं याइगु न्ह्यथंगु दु । थुगु मचाछेंया स्वास्थ्य चेक खुलाय् छक यायेहे माःगु विशेषज्ञया धापु दु ।
शिविरय् २०० म्हेसित स्वास्थ्य लाभ बीगु आज्जु दुगु नायः बज्राचार्यं न्ह्यथनादिल । नारायण परिवार क्लब व श्री चक्रमान डंगाेल स्मृति प्रतिष्ठानया मंका ग्वसालय् थूगु शिविर जुयाच्वंगु खः ।
छ्याता
फेसबुक छ्याता