नेपालय् नं कोबुइँचा खनेदत । भारतनाप सीमा स्वाःगु पर्सा, बारा व सर्लाहीया छुँ थासय् शनिबाः सुथः ८ ता इलय् कोबुइँचाया पुचः खनेदूगु कृषि मन्त्रालयं न्ह्यथंगु दु ।
सुथः सिमाय् कोबुइँचा खँसेलि किसानतयेसं कृषि ज्ञान केन्द्र बारायात खबर याःगु खः । कोबुइँचिया प्यंगु पुचः दूगु खः ।
अनं कृषि मन्त्रालययात जानकारी वःगु खः । थ्व बारे सहलह यायेत न्हिनय् १ ता इलय् मन्त्रालय नं जुम मिटिङ तयातःगु दु ।
बारा जीतपुर, सिमरा नगरपालिका, निजगढ नगरपालिकाय् कोबुइँचा खनेदूगु खः ।
थुखे मन्त्रालयया प्रवक्ता हरिबहादुर केसीं नेपालय् कोबुइँचा वःगु सुचं पुष्टि मजुनिगु न्ह्यथंगु दु ।
थ्व न्ह्यः नेपालय् कोबुइँचा वैगु धाःसें मन्त्रालयं प्लान्ट क्वारेन्टाइन व विषादी केन्द्रया प्रमुखया अध्यक्षताय् कृषि वैज्ञानिक व प्राविधिकत दूगु समिति देकेधुंकुगु दु ।
अफ्रिकी देसं अरबियन दे जुया एसियाया इरान, अफगानिस्तान, पाकिस्तान व भारततक थ्यंगु थूगु किलं बालिनालि तहसनहस याइ । थुकिया वैज्ञानिक नां Schistocerca Gregaria खः । करोडौंया ल्याखय् वैगु थूगु किलं वाउँगु वनस्पतियात म्हो इलय् नयाछ्वइ । छन्हुं १५० किलोमिटर अप्वतक ब्वय् फइगु थूगु कि दालकि भोकमरीया समस्या वयेफैगु अनुमान यानातःगु दु ।
नेपालय् आः थौंकन्हे वा पीगु ज्या जुयाच्वंगु दु । कोबुइँचा वया तःधंगु विनास जुइगु पुर्वानुमान याना इलय् हे समाधान मालेमा ।
छ्याता
फेसबुक छ्याता