नेपालभाषाया वाःपौ ‘लहना’ या उलेज्या


थौं सुथय् नेपालभाषाया वाःपौ ‘लहना’ या उलेज्या जुगु दु। गोरखापत्र राष्ट्रिय दैनिकया कार्यकारी सम्पादक पुष्करभक्त माथेमाया मू पाहाँसुई थुगु उलेज्या जुगु ख: । थुगु वाःपौ तयजू पब्लिकेसनया नितिं नृपेन्द्रलाल श्रेष्ठया प्रकाशनय् पिदंगु खःसा वाःपौया सम्पादक कृष्णकाजी (केके) मानन्धर जुयादी । सह-सम्पादक जुजुमान महर्जन जुयादिसा संबाददाता कथं शीला सायमी च्वनादीगु दु। वा:पौ या ब्यबस्थापक सुरेन्द्रभक्त श्रेस्ठ जुयादी। पांहा कथं सन्ध्या टाइम्स या सुरेश किरण व नेवा पत्रकार रास्ट्रीय दबूया नाय: श्री कृष्ण महर्जन यात ब्वनातगु खसा ज्याझ्वले नेवा ख्य या बिशिस्ट ब्यक्तित्व पिनिगु ब्वति दुगु ख।


थ्व हे झ्वले थुगु वाःपौया सम्पादक केके मानन्धरनं झीगु समुदाय दुने झीगु हे खँ सञ्चार यायेत व सम्बन्धित सरोकारवालायात तकं सचेत याकेत न्हूगु आयाम कथं व देय् दुने पिनेया बुखँ थःगु भासं सन्तुलित कथं प्रकाशित यायेत लहना वाः पौ ज्वनाः वयाःगु व ब्यावसयिक पत्रकरिता मागु ख: न्ह्यथंगु खसा भाजु पुष्करभक्त माथेमाजूं नेवा पत्रकार म्वाना पत्रिका म्वाके फेमागु न्ह्यथना दिल।  वेकलं खस नेपाली भाय् या पत्रिका म्वाके थाकूगु आया अवस्थाय् नेवा भाय् या पत्रिका पिकायेगु ख्या खँ मजूगु व पिकाक पिन्त यक्व यक्व भिन्तुना नं बियादिल । नेवा न्युजया सम्बाददातां छू थो वाःपौ दथुइ मदिइला? निरन्तरता जुइला धाका न्योगु न्ह्योसलय्, निरन्तरता जुइ धकाः सम्पादक केके मानन्धरनं लिस बियादिल।नेवाः मुद्दायात विशेष बः बिइगु नितिं थुगु वाःपौ पिथनागु खँ तय्गु प्रकाशनं धाःगु दु ।
वयेक पिनिगु पला सुथां लायेमा झीगु पाखें लहना परिवार यात भिन्तुना।


Share on Google Plus

News: Tuladhar Bigen

    छ्याता
    फेसबुक छ्याता