थाैं हाेली । स्वनिगलय् ट्राफिक प्रहरी ज्याकुथिं फागु पर्व (होली) यात सुरक्षित, मर्यादित देकेत स्वंगुलिं जिल्लाय् कडाइ याःगु दु । स्वनिगःया सतकय् अधिकतम ट्राफिक प्रहरी खतेयाना उच्छृङ्खल गतिविधिइ कडाइ यायेगु तयारी जूगु काठमाडौं उपत्यका ट्राफिक प्रहरी ज्याकुया प्रवक्ता, प्रहरी वरिष्ठ उपरीक्षक (एसएसपी) जीवनकुमार श्रेष्ठं न्ह्थनादिल । वयेकःया कथं होली पर्व न्यायेकेगु झ्वलय् दुर्घटना न्यूनीकरणया नितिं थुगुसि स्वनिगलय् दुहाँ वइगु दक्व नाका व मेमेगु ९० गु थासय् सुथः ७ ता इलंनिसें हे चेकजाँच यायेत्यंगु दु ।
थ्व नापं ३० गु मोबाइल भ्यान परिचालन याना माःकथं मोबाइल गस्ति व चेक प्वाइन्टतकं तःगु दु । सुरक्षा योजना कथं मू सतक, चुक, गल्ली तकं प्रहरी परिचालन जूगु दु । थुकिया लागि द्वछि ट्राफिक प्रहरी खतेजूगु एसएसपी श्रेष्ठं न्ह्यथनादिल ।
म्वाकथं हर्न न्यायेकीगु, होहल्ला याना सवारी न्ह्याकीगु, हिलाबुला याना तच्वकं सः पिकाइगु, स्वम्ह च्वना गइगु, हेल्मेट मपुइगु, तीव्र गति व यःयःथे मोटरसाइकल ब्वाकिपिंत निगरानी यायेगु ट्राफिक प्रहरीं न्ह्यथंगु दु । विशेषयाना मादक पदार्थ व लागुपदार्थ सेवन याना सवारी न्ह्याकिपिं चालकतयेत कडाई नापं चेकजाँचया व्यवस्था जूगु व अनुमति विपरीत रङ इलेगु, बेलुन कयेकीगु, हो-हल्ला याइगु, ल्वापु याइगु नापंया उच्छृङ्खल गतिविधि याइपिंत तकं कारबाहीया दायराय् हयेगु श्रेष्ठं न्ह्यथनादिल ।
0 Comments:
Post a Comment