हलिं नेवाः म्ये कासा जुइगु


येँ, ११३७ कछलागा दुतिया, २०७३ मंसिर २।

हलिं नेवाः दबू नेपाः देय् मू कवलं हलिं नेवाः म्ये कासा यायेत्यंगु दु। पत्रकार सम्मलेन याना थुगु कासा ११३७ सिल्लागा चतुर्दशि (फेब्रुअरी २५ २०१७) या दिनय् जुइगु जानकारी ब्यूगु खः । लिसें कासाय् ब्वति कायेगु नितिं म्ये दुतिनेगु ई वइगु पोहेंलाथ्व दुतिया (डिसेम्बर ३१ २०१६)तक्क दुगु जानकारी ब्यूगु दु ।

नेपाः कवःया नायः पुष्कर माथेमां नेपाः पिनं धेंधें बल्लाखय् ब्वति कायेत माःगु तयारी व लिपांगु धेंधें बल्लाःया नितिं नेपाः वयेत ई मगाःगु धासें यक्व हे इनाप वःगु न्ह्यथनादिल । कवःया मू छ्यान्जे रश्मिला प्रजापतिं धेंधेंबल्लाःया नितिं वइगु पोहेंलागा पारु (जनवरी १३ २०१७) कुन्हु नेपाः दुने व पोहेंलागा अष्टमि व नवमि (जनवरी २० व २१ २०१७) या दिनय् स्काइपपाखें नेपाः पिनेया कासामिपिनिगु अडिसन जुइगु कनादिल ।

पत्रकारया न्ह्यसःया लिसः ब्युसें मू छ्यान्जे प्रजापतिं चकंगु धेंधें बल्लाखय् हलिंन्यंकनं न्ह्याम्हेसिनं नं ब्वति कायेफइगु धयादिल । तर छुं नं माध्यमं सार्वजनिक मजूनिगु, न्हूगु व मौलिक नेपालभाषाया म्ये जुइमाःगु न्ह्यथनादिल।

कासाय् न्हाप, लिउ व लियाँलिउयात कथहं ५०,०००, २५,००० व १५,००० सिरपा कथं फ्याना तगु व प्रोत्साहन कथं लय्चिनामि व च्वमिइ उत्कृष्ट छम्ह छम्हेसित नं सिरपाः बीगु पत्रकार सम्मेलनय् जानकारी  बिउगु दु ।

थुगु कासा न्हापा ११३७ पोहेंलाथ्व चतुर्थीया दिनय् जुइगु धयातःगुली लिछ्याना ११३७ सिल्लागा चतुर्दशि जुगु ख: ।

पुवंक प्रेस बिज्ञप्ति :


Share on Google Plus

News: Anonymous

    छ्याता
    फेसबुक छ्याता

0 Comments:

Post a Comment