येँ महानगरपालिकां शङ्खमुलय् न्ह्याकाच्वंगु ‘प्रथम शङ्खमुल तीर्थ श्रावणी महोत्सव’य् पंगः थंगु दु ।
सार्वजनिक स्थलय् उजँ मकाःसे धार्मिक महोत्सव सञ्चालन याःगु सुचनय् महानगर नगर प्रहरीया पुचः शङ्खमुल थ्यंगु खः ।
उजँ मकाःसे हल्ला जुइकथं धार्मिक ज्याझ्वः जुयाच्वंगु द्वपं वःसेंलि ज्याझ्वः मयायेत ग्वसा खलःयात उजँ बियागु महानगर प्रहरी उपरीक्षक दिनेश अर्यालं न्ह्यथनादिल । नगर प्रहरीया पंगःया हुनिं छुँ घौ धार्मिक महोत्सव प्रभावित जूगु खः ।
ग्वसा खलकं वडा ज्याकुपाखें कया जुसां धार्मिक महोत्सवयात निरन्तरता बीगु न्ह्यथंगु खः । ग्वसा खलः वडा ज्याकुथिइ उजँ कायेत वंसेंलि महानगर पुचः लिहाँवंगु खः ।
ओमकार फाउण्डेसन व दोभान विकास समितिया ग्वसालय् १ साउननिसें शङ्खमुलया दोभानय् धार्मिक महोत्सव सञ्चालन जुयावयाच्वंगु दु ।
धार्मिक महोत्सवय् कोटेश्वर, शान्तिनगर, शङ्खमुल नापंया लागाय् १३ गु धार्मिक व सामाजिक संघसंस्थात ब्वति कयाच्वंगु दु ।
बुखं : अनलाइन खबर
0 Comments:
Post a Comment