नेसं ११४४ सिल्लाथ्व पञ्चमी । राष्ट्रपति रामचन्द्र पौडेलं वसन्तपञ्चमी व ससुपूजाया लसताय् सिल्लाथ्व पञ्चमी कुन्हु नासःचुकय् वसन्त श्रवण यानादीगु दु । वसन्त श्रवण यायेत उपराष्ट्रपति रामसहायप्रसाद यादव, प्रधानमन्त्री पुष्पकमल दाहाल ‘प्रचण्ड’, प्रतिनिधिसभाया सभामुख देवराज घिमिरे, प्रधानन्यायाधीश विश्वम्भरप्रसाद श्रेष्ठ, उपप्रमधानमन्त्री, मन्त्रीगणनापं विशिष्टपिंसं ब्वःति काःगु खः ।
वसन्तपञ्चमी कुन्हु हनुमानध्वाखा दरबारस्थित नासःचुकय् राष्ट्र प्रमुखयात वसन्त श्रवण यायेगु प्रचलन दु । थ्व प्रचलन प्रताप मल्लया इलंनिसें न्ह्यानावःगु धापु दु ।
न्हापा जुजुं याइगु वसन्त श्रवण गणतन्त्र लिपा राष्ट्रपतिं यानावयाच्वंगु दु ।
वसन्त श्रवणमा छु खः ?
हनुमानध्वाखा दरबार हेरचाह अड्डाया पुरोहित देवराज अर्यालया कथं १२क्वःगु शताब्दीइ बंगालया कवि जयदेवपाखें रचित म्ये गोविन्द काव्ययात हनुमानध्वाखा दरबारय् राष्ट्र प्रमुखयात न्यंकेगु याइ ।
चिकुलाय् नांगा जूगु कचा चुलिं जायावइगु सुन्दर प्राकृतिक चित्रण जयदेवया रचनाय् दु । भगवान् कृष्णं गोपिनीनाप रसरंग याःगु गाथा मू रूपय् थ्व काव्यय् दु ।
वसन्त श्रवणया इलय् ब्याचुली राग थायेगु याइ । वसन्त श्रवण याःसा सुख, शान्ति, समृद्धि दइगु विश्वास दु । थ्व हे जुया वसन्त श्रवण यायेगु चलन न्ह्याःगु खः । परापूर्वकालय् जुजुपिंसं दे व जनताया अवस्था सीकेत श्रीपञ्चमीया दिनय् भेला सःतेगु व होलीया दिनय् खुसियाली न्यायेकीगु चलन दूगु खः । आःया परम्परा नं उकीया हे निरन्तरता खः ।
0 Comments:
Post a Comment