एसिसी इमर्जिङ कप पाकिस्तानं त्याःगु दु । आइतबाः जूगु फाइनलय् पाकिस्तानं भारतयात सछि व २८ रनं बुकुसें कथहं निक्वःगु खुसि इमर्जिङ कप त्याःगु खः ।
टस बुना न्हापा ब्याटिङ याःगु पाकिस्तानं भारतयात ३ सः ५३ रनया आज्जु ब्यूगु खः । लिसलय् भारत ४० ओभरय् अलआउट जुया २ स २४ रन जक देकेफत । भारतया अभिषेक शर्मां दकलय् अप्वः ६१ रन देकेफत । पाकिस्तानया नितिं सुफियन मकिमं ३ विकेट काःगु खःसा मोहम्मद वासिम, मेरन मम्ताज,अर्सद इकबालं २–२ विकेट काःगु खः । मेगु छगु विकेट मुब्सिर खानं काल ।
पाकिस्तानं ५० ओभर म्हितता ८ गु विकेट जक तंकुगु खः । गुकि ताहिरं ७१ ब्लय् १२ चौका व ४ छक्का कयेका १०८ रन देकल । वयाँलिपा ओपनर सइम अयुब व सहिबजादा फर्हानं १ सय २१ रनया साझेदारी याःगु खः । अयुबं ५९ व फर्हानं ६५ रन देकल ।
भारतं समूह चरणय् पाकिस्तानयात बुकुगु खः । थ्व न्ह्यः इमर्जिङकपया उपाधि भारत व पाकिस्तानं छक छक त्यायेधुंकुगु दु । सूर्यकुमार यादवया कप्तानी भारतं २०१३ य् न्हापांगु खुसिइ उपाधि त्याःगु खः । भारतं पाकिस्तानयात हे फाइनलय् बुका उपाधि त्याःगु खः ।
वयाँलिपा २०१७ व २०१८ य् श्रीलंकां पाकिस्तान व भारतयात बुका उपाधि त्याःगु खः । २०१९ य् पाकिस्तान बंगलादेशयात बुका च्याम्पियन जूगु खः । २०१९ लिपा जूगु थूगु धेधेबल्लाखय् पाकिस्तान हाकनं त्याःगु खः ।
0 Comments:
Post a Comment