स्वयम्भू आनन्दकुटी विहारय् दूगु अस्थि धातुयात नगर परिक्रमा याकुगु दु । अस्थि धातु गौतम बुद्धया अन्त्येष्टिया झ्वलय् सुरक्षित तयातःगु अवशेष खः । श्रीलङ्कां उगु धातु थूगु विहारयात छुँ दँ न्ह्यः उपहारकथं ब्यूगु खः ।
स्वदँय् छक नगर परिक्रमा यायेगु प्रचलनकथं थौं बुद्ध जयन्तीया झ्वलय् थूगु लागाय् परिक्रमा याःगु खः ।
अस्थि धातुयात छ्यनय् तयाः विहार परिसरं पिकासेंलि स्वयम्भू परिक्रमा पथ चाह्यूकुगु व उगु विहारया श्रीलङ्काराम चैत्यया पश्चिमपाखे सर्वसाधारणया दर्शनया नितिं थौं न्हिछि चाय्कुगु खः ।
विहारया प्रमुख भिक्षु धर्ममूर्तिं श्रीलङ्का सरकारया ग्वाहालिइ नेपाः हःगु अस्थि धातुयात दँय् दसं बुद्ध जयन्तीया दिनय् प्रदर्शनीइ तैगु जुसां नगर परिक्रमा धासा स्वदँय् छक जक याइगु न्ह्यथनादिल । विहारं विश्व शान्ति व मानव कल्याणया कामना यासें विशेष पूजा नं याःगु दु ।
0 Comments:
Post a Comment