कोरोना संक्रमितया ल्याः स्वनिगलय् ४४, देन्यंकं ३३८


स्वनिगलय् कोरोना संक्रमितया ल्याः न्हिथं अप्वयाच्वंगु दु । वंगु २४ घौ दुने येँ ३६, यल व ख्वपय् प्यम्ह प्यम्ह कोरोना पुष्टि जुल । ८ द्व ४३२ नमुना परीक्षण याःगु इलय् देन्यंकं ३३८ म्ह कोरोना पोजिटिभ खनेदत ।

स्वास्थ्य तथा जनसंख्या मन्त्रालयया कथं बाँकेय् ६३, रौतहटय् ३१, मकवानपुर २३, पर्सा २२, सर्लाही २१, दैलेख १७, प्युठान व मोरङय् १५, १५, धनुषा १३, कपिलपस्तु ११, कैलाली व सल्यान ७, ७, सिन्धुली ६, दाङ ५, नुवाकोट ४, महोत्तरी, बारा व गोरखा ३, ३, मोरङ, बर्दिया, तनहुँ व नवलपुरय् २, २ अथेहे झापा, अछाम, अर्घाखाँची, बाग्लुङ, सिन्धुपाल्चोक, चितवन, स्याङ्जा, रोल्पा, सुर्खेत, बैतडी, बझाङ, पाल्पा, रामेछाप, रुपन्देहीइ छम्ह छम्ह पुष्टि जूगु दु ।

थ्व नापं नेपालय् कुल कोरोना संक्रमित २३ द्व ३१० थ्यंगु दु । लिपांगु २४ घौ दुने १४० म्ह डिस्चार्ज जूगु दु ।

 

Share on Google Plus

News: Newa News

    छ्याता
    फेसबुक छ्याता