ऐतिहासिक अन्तर्राष्ट्रिय नेपालभाषा साहित्य सम्मेलन छवान्यंकं जुइगु

अन्तर्राष्ट्रिय नेपालभाषा साहित्य सम्मेलन जुइत्यंगु दु । वइगु भदौ १ गतेनिसें ५ गते तक साप्ताहिक रुपं थूगु सम्मेलन जुइत्यंगु दु । हलिं नेवाः गुथिया ग्वसालय् नेपाः नापं भारत, रुस, नेदरलायण्ड, अमेरिका, जापान, पोर्चुगल लगायतया देसं ब्वति काइगु सम्मेलनय् थ्यं मथ्यं सछि व नीम्ह साहित्यिक रचना पाठ जुइत्यंगु दु । सम्मेलनय् चिबाखँ, चिनाखँ, हाइकू, कविता व म्ये न्ह्यब्वयेत्यंगु दु । सम्मेलनय् नेपालभाषाया लेख रचना न्ह्यब्वयेत्यंगु दुसा लोकंह्वाःगु नेपालभाषाया लेख रचना खस नेपाली भाषा, अग्रेजी भाषा व रुसी भाषां तकं अनुवाद याना इ–सफु प्रकाशन यायेत्यंगु दु । 

नेपाःया थीथी थासं थूगु सम्मेलनय् ब्वति कायेत रचना दुतवःगु ग्वसाः खलकं न्ह्यथंगु दु । काभ्रे, कास्की, विरातनगर नापंया जिल्लाया न्हू नापं लोकंह्वाःपिं साहित्यकार ब्वति दइगु अन्तर्राष्ट्रिय नेपालभाषा साहित्य सम्मेलनय् नेपालभाषया सहित्ययात जापान, भारत, नेदरलायण्ड, अमेरिका, जापान, नेपाः नापं थीथी अन्तराष्ट्रिय भाषां अनुवाद याना तकं रचना पाठ यायेत्यंगु खः । सम्मेलन भाद्र १ गतेनिसें न्हिथं नेपाःया ई कथं बहनी ६ ता ई निसें ८ ता ई तक जुइत्यंगु दुसा थुकियात फेसबुकय् प्रत्यक्ष प्रशारण यायेत्यंगु दु । 

थूगु सम्मेलनय् छगु हे इलय् दकलय् अप्व साहित्यकार मुना नेपालभाषाया साहित्य ब्वना कीर्तिमान कायम जुइगु गुथिं न्ह्यथंगु दु ।

वाङमय शताब्दी पुरुष डा. सत्यमोहन जोशीं उलेज्या याइगु ज्याझ्वः जुमय् जुइत्यंगु खःसा नेपालभाषाया थीथी म्ये तकं न्ह्यब्वयेत्यंगु दु । 


Share on Google Plus

News: Newa News

    छ्याता
    फेसबुक छ्याता