गोंगबु हत्याकाण्ड : नक्कली फेसबुक व ब्ल्याकमेल, हत्यारा सार्वजनिक


दाङ छेँ जुया येँ च्वनाच्वंम्ह कृष्णबहादुर बोहरायात कल्पना मुडभरी (पौडेलं) हे स्याःगु अभियुक्त स्वीकार याःगु दु । येँ प्रहरी प्रमुख एसएसपी श्याम ज्ञवालीं मंगलबाः पत्रकार सम्मेलन याना हत्यारा सार्वजनिक याःसें हत्यारां हत्या स्वीकार याःगु न्ह्यथंगु खः । 

बोहरां पौडेलया नामं नक्कली फेसबुक आइडि देकुगु नापं नांगा किपा तकं पोष्ट याःगु व ब्ल्याकमेलयाःगुलिं घटना जूगु प्रहरीया प्रारम्भिक अनुसन्धानं क्यंगु दु । 

भोड्का त्वंका व न्याचा स्लिपिङ ट्याबलेट दुगु धौ नका बोहोरायात लठ्ठ याःगु व अण्डकोषय् मुगलं कयेकुगु सीदुगु दु । वयाँलिपा बेहोस जुम्हसित थःगु हे सलं गःपः तिना स्याःगु खः । सीधुंका भान्छाया चक्कुं छ्यँ व तुति चाना शौचालयलय् यंकुगु व वयाँ लिपा वाँछ्वःगु प्रहरीं न्ह्यथंगु दु ।


सोमबाः सुथः येँया गोंगबुइ सुटकेस दुने छ्यँ व तुति मदुगु सीम्ह लूगु खः । वयाँलिपा अलमल जूगु प्रहरी तालिम प्राप्त खिचा हया ३०० मिटर तापाक जेब्रा झोला दुने छ्यँ व तुति लुइकुगु खः ।

अनुसन्धानया झ्वलय् प्रहरीं सोमबाः हे हत्याय् संलग्न मिसा व वया म्हाय् यात चितवनया टाँडीं ज्वना येँय् हःगु खः । माँम्हेसित शव व्यवस्थापन यायेत कुसां कुइकेगु निसेंया ग्वाहालि याःगुलिं म्हाय्म्हेसित नं ज्वंगु खः ।


Share on Google Plus

News: Newa News

    छ्याता
    फेसबुक छ्याता