नेपाललिपि गुथिया ३८ दँ बुदिं हन, नेपाललिपि सफू पिदन



नेपाल लिपि गुथिया ३७ क्वःगु बुन्ही हनालिसें स्वनिगःया  महानगरपालिका व नगरपालिकाया मेयरपिनि ल्हातं नेपाल लिपि सफू पितब्वज्या थाैं जुल।
येँ महानगरया मेयर विद्यासुन्दर शाक्य, यल महानगरया मेयर चिरीबाबु महर्जन, किपू नगरपालिकाया मेयर रमेश महर्जन, चन्द्रागिरी नगरपालिकाया मेयर घनश्याम गिरीपिसं नेपाल लिपि अाखः ग्वः सफूया पितब्वज्या यानादीगु खः । 
ज्याझ्वलय् नुगः खँ तयादिसें येँ मनपाया मेयर शाक्यं नेपालभाषा ख्यलय् थाैंकन्हय् प्रतिबद्ध कार्यकर्ताया अभाव जूगु खँ न्ह्यथनादिल ।



ज्याझ्वलय् यल महानगरपालिकाया मेयर चिरीबाबु महर्जनं नुगःखँ तयादिसें थःम्हं फक्वचाक्व नेपाल लिपि गुथियात ग्वाहालि याय्गु बचं बियादिल । 

ज्याझ्वलय् लसकुस यासें  लिपि गुथिया नायः निरञ्जन ताम्राकारं लिपि गुथिया इतिहास न्ह्यब्वयादीगु खः ।


लिपि गुथिं न्हापा न्हापा पिथनावयाच्वंगु वर्णमाला स्वयां पाक्क नेवाः पहःया हे वर्णमाला पिथंगु खः ।


ज्याझ्वलय् जनकवि दुर्गालाल श्रेष्ठं नेपाललिपि च्वय्गु तरिकाया एनिमेशन भिडियाे नं सार्वजनिक यानादीगु खः । 


थुकथं हे नेपाललिपि व नेवाः भाय्यात कयाः नेवाः न्ह्यलुवा मल्ल के सुन्दरं नुगः खँ तयादीगु खः ।


ज्याझ्वलय् गुथिया न्वकु अनिल स्थापितं सुभाय् देछासें सभा क्वचाय्कादीगु खः ।


न्यनादिसँ ज्याझ्वलय् वक्तापिनि न्वचु ः

Share on Google Plus

News: तिकिझ्याः न्यूज

    छ्याता
    फेसबुक छ्याता