बलिउड अभिनेता सुशान्त सिंह राजपूतं आत्महत्या याःगु दु । बान्द्राया थःगु फ्ल्याटय् याकःचा च्वनाच्वंम्ह सिंह यखाना सिनाच्वंगु अवस्थाय् लूगु खः । बीबीसीया कथं बान्द्रा प्रहरी स्टेशनय् सुशान्तया छेँ ज्या याइम्हेस्यां घटनाया जानकारी ब्यूगु खः । आत्महत्याया कारण सीमदुनिसां ३४ दँ दुम्ह सिंह छुं ला निसें डिप्रेशनया शिकार जूगु न्ह्यथनातःगु दु ।
प्यन्हु न्ह्यः जक सिंहया पूर्व म्यानेजर दिशा सालीयान आत्महत्या याःगु खः । १४ गु तल्लां तिन्हुया आत्महत्या याःम्ह २८ दँ दुम्ह सालीयानया आत्महत्याका कारण तकं सीके मफुनि । थः ब्याः जुइत्यंम्ह मिजँलिसें मनमुताव जूगु खँ धाःगु दु । सिंहं थः पुर्व म्यानेजर मदयेधुंका थः स्तब्ध जूगु ट्विट याःगु खः ।
टेलिभिजनं थःगु करिअर न्ह्याकुम्ह सिंह बलिउडया चर्चित नायक खः । सिंह एमएस धोनीः द अनटोल्ड स्टोरी, ‘काइ पो चे’, ‘पीके’, ‘केदारनाथ’, ‘शुद्ध देशी रोमान्स’, ‘छिचोरे’ थें जाःगु प्याखनय् म्हितुगु दु ।
छ्याता
फेसबुक छ्याता