बुण्डेसलिगा च्याम्पियन जूगु बायर्न म्युनिखं जर्मन कपया उपाधि त्याःगु दु । वंगु चान्हय् बर्लिनय् जूगु फाइनलय् बायर लेभरकुजनयात ४(२ गोलं पराजित याना बायर्नं उपाधि त्याःगु खः ।
बायर्नया नितिं फरवार्ड रोवर्ट लेवान्डोस्कीं ५९ व ८९ क्वःगु मिनेटय् निगु गोल याःगु खः । ओलम्पिक स्टेडियमय् जूगु कासाय् १६क्वःगु मिनेट डेविड अलावां गोल याःगु खः । २६क्वःगु मिनेटय् सर्जी जीनाब्रीं गोल याःगु खः ।
लेभरकुजनया नितिं ६३ क्वःगु मिनेटय् स्भेन बेन्डरं गोल याःगु खःसा ९० क्वःगु मिनेटय् काई हाभार्टं पेनाल्टीइ गोल याःगु खः ।
थ्व नापं बायर्नं २०क्वःगु खसि जर्मन कप त्याःगु खः ।
छ्याता
फेसबुक छ्याता