कोरोनाबारे सचेत याकाच्वन ट्राफिक प्रहरीं, थौं निसें जोर बिजोर मोटरसाइकल


कोभिड–१९ (कोरोना) भाइरस संक्रमणया जोखिमयात दथुइ लकडाउन छ्वासुसेंलि थौंकन्हे ट्राफिक प्रहरी पनेगु व ज्वनेगु सत्ता प्येकार्ड क्यनेगु यानाच्वंगु दु । महामारीयात बिचा याना महानगरीय ट्राफिक प्रहरी महाशाखां थ्व विशेष अभियान न्ह्याकुगु खः ।

महाशाखाया ३४ गु ज्याकुथिइ ट्राफिक प्रहरी परिचालन याना थुकथं कोरोना नाप तापायेत सजगता व सचेतनाया प्लेकार्ड क्यनाच्वंगु दु ।

न्हिथं सुथः ९ः०० बजेनिसें ११ः०० बजेतक व बहनी ४ः०० बजेनिसें ७ः०० बजेतक प्लेकार्ड क्यनिगु विशेष पुचः हे परिचालन यानागु महाशाखाया प्रवक्ता प्रहरी उपरीक्षक जीवनकुमार श्रेष्ठं न्ह्यथनादिल ।

थ्व दथुइ थौं असार १ निसें मोटरसाइकल व स्कुटरय् तकं जोर–विजोर प्रणाली लागू याःगु दु । सरकारया निर्णय कथं साइकल व मोटरसाइकल चालक जक दैगु कथं थ्व व्यवस्था थौं निसें कडाइ याःगु खः ।

Share on Google Plus

News: Newa News

    छ्याता
    फेसबुक छ्याता