फ्रान्सया राष्ट्रपति इम्यानुएल म्याक्रों फ्रान्सं कोरोनाविरुद्धया न्हापागु ल्वापु त्याःगु व थीथी कथंया प्रतिबन्ध चीकेगु न्ह्यथंगु दु ।
देया नामय् सम्बोधन यासें वयेकलं स्वला ताःहाकःगु लकडाउन लिपा आः देःया अर्थव्यवस्थायात यथास्थानय् हयेगु ई वःगु न्ह्यथनादिल ।
वयेकलं सोमबाः निसें फ्रान्सं युरोपेली संघया शेन्जेन जोनय् समावेश जःलाखःला देःया सीमा चायेकेत्यंगु दु । पेरिसया बार व रेष्टुरेन्ट चायेकेत्यंगु दु । जून २२ तारिखनिसें अनिवार्य रुपं स्कूल चायेकेत्यंगु दु ।
यदि भाइरस न्हापास्वयां शक्तिशाली जुया वःसा उकिया नितिं थःपिं तयार जुइगु वयेकलं न्ह्यथनादिल । थ्व महामारीविरुद्ध युद्ध क्वमचाःगु तर न्हापांगु युद्ध त्याःगु वयेकलं घोषणा यानादिल ।
छ्याता
फेसबुक छ्याता