आन्ध्र महासागरय् डुबे जुयाच्वंगु नांजाःगु जहाज टाइटानिकया भग्नावशेष स्वयेत वंगु पनडुब्बी विस्फोट जुया ५ म्हसिया मृत्यु जूगु दु । तसकं गहिराइलय् वंगु पनडुब्बी पिनं मखुसे लःया दबाबं दुने विस्फोट जूगु प्रारम्भिक अनुमान दु ।
वंगु आइतबाः महासागरय् क्वहाँवंगु छ घौ व ४५ मिनेटय् पनडुब्बी सम्पर्कबिहिन जूगु खः । पनडुब्बी ८ घौ दुने टाइटानिकया भग्नावशेष अवलोकन याना लिहाँवय् माःगु खः ।
टाइटन बेपत्ता जुइधुंका मालेज्या तच्वयेकुगु खःसा उगु झ्वलय् माःपिंसं न्याकु कुचा लुइकुगु दुसा उकिं हे थ्व पनडुब्बीया जूगु पुष्टि जूगु खः ।
टुर कम्पनी ओसियनगेटया उगु पनडुब्बीइ पाकिस्तानी अरबपति ४८ दँया शहजादा दाउद व वयेकःया काय् १९ दँया सुलेमान अथे हे बेलायती व्यवसायी हामिस हार्डिङ्ग, फ्रेञ्च अन्वेशक पल अनर नार्जेलेट व ओसियनगेटया प्रमुख कार्यकारी स्टाकटन रस सवार जूगु खः ।
टाइटानिकया भग्नावशेष समुन्द्रया ३ द्व ८०० मिटर गहिराइलय् दु । टाइटानिक स्वयाँ १६०० फिट तापाक्क थूगु न्याकु टुक्रा लूगु खः । जल सेनां मालेज्या यानाच्वंगु तर टाइटनय् सवारपिनि सिम्ह थूगु गहिराइ व थूगु विस्फोटं लुइके फइ मफइ थथें धाय् मफइगु धाःगु दु ।
सन् १९१२ य् बेलायतं अमेरिकाया लागि वंगु टाइटानिक जहाज आइसबर्गनाप न्याना समुन्द्रय् डुबे जूगु खः । लोकंह्वाःगु संकिपा टाइटानिक तकं थुकिया आधारय् दयेकुगु दु ।
२ द्व २ स मनु सवार उगु जहाजया ७ स यात्रु जक सकुशल उद्धार जूगु खःसा द्वछि व ५०० म्हेसिया मृत्यु जूगु खः ।
0 Comments:
Post a Comment