शुक्रबाःनिसें वीर अस्पतालया ७ स जनरल बेड निःशुल्क याःगु दु । चिकित्सा विज्ञान राष्ट्रिय प्रतिष्ठान न्याम्सया कार्यकारी पदाधिकारीया निर्णय कथं दक्व जनरल बेड निःशुल्क उपलब्ध याकुगु दु ।
थ्व स्वयाँ न्ह्यः जनलर बेडया निसः पुलेमा । वीर अस्पताल गरिब व विपन्न वर्गया नितिं भरोसाया केन्द्र जूगु व निसः तकं पुलेत थाकुगु न्याम्सया रेक्टर डा. लोचन कार्कीं न्ह्यथनादिल ।
रेक्टर डा. कार्कीया कथं जनरल बेड दक्वं निःशुल्क याःसा दँयेदसं ५ करोड खर्च जुइ ।
शल्यक्रिया, सिटी स्क्यान नापंया सेवा अप्वयेकेगु व खर्चया मितव्ययिता याना जनरल बेड निःशुल्क यानागु डा. कार्कीं न्ह्यथनादिल ।
सरकारं बिहीबाः उपकुलपतिइ डा भुपेन्द्र बस्नेत, रेक्टरय् डा. लोचन कार्की, रजिष्ट्रारय् डा. ज्ञानेन्द्र शाह व डिनय् डा. अशेष ढुंगानायात नियुक्त याःगु खः ।
0 Comments:
Post a Comment