नेसं ११४३ चौलाथ्व अष्टमी, ३० चैत, येँ । सरकारं जुगल सिन्धुपाल्चोकया जुगल हिमश्रृङ्खलाय् लाःगु च्वापुगुँ पर्वतारोहण चायेकेत्यंगु दु । मंगलबाः च्वंगु मन्त्रिपरिषद मुँज्यां ‘भर्जिन’ च्वापुगुँ कथं म्हस्यूगु जुगल हिमालया च्वापुगुँत पर्वतारोहणया नितिं चायेकेगु न्ह्यथंगु खः ।
जुगल गाउँपालिकाया गोल्चे व गुम्बाय् लाइगु जुगल हिमाल रेन्ज दुने दोर्जे लाक्पा, फुर्बा घिप्चे नापंया च्वापुगुँ लाः । थ्व हिमश्रृंखलाय् निगु दर्जनस्वयाँ अप्वः च्वापुगुँ दूगु अध्ययनं क्यंगु दु ।
जुगल हिमालया बेस क्याम्प बुम्बासेर्पुङयांखर्क खः । जुगल हिमाल आरोहण चालेधुंका सिन्धुपाल्चोकय् न्हूगु पर्यटकीय रुट चालिगु पर्यटन व्यवसायीतयेगु आशा दु ।
जुगल हिमालनापं थूगु लागाय् लाइगु ने–पेमासाल चौर पर्यटकतयेगु नितिं न्हूगु गन्तव्य खः । प्यखेरं च्वापुगुया दथुइ दुगु तःधंगु चौर ने–पेमासालय् बौद्ध गुरुत वयाः ध्यान च्व्ंगु किम्बदन्ती दु । ने–पेमासालं जुगल हिमालया बेस क्याम्प थ्यनेत छन्हु बी ।
आरोही माया गुरुङनापं शर्मिला थापा व मिलन तामाङं २०७५ सालय् न्हापांगु खुसि जुगल हिमाल गःगु खः ।
0 Comments:
Post a Comment