११ चैत, काठमाडौं । राष्ट्रपति रामचन्द्र पौडेलं सामुदायिक रेडियोतयेसं नागरिकयात श्रमप्रति सम्मानया भावना ब्वलनिगु सामग्री प्रसारण यायेत तिबः बियादीगु दु ।
सामुदायिक रेडियो प्रसारक संघ (एकोराब) नेपालया कार्यसमितिनाप शनिबाः शीतलनिवासय् नापलासें राष्ट्रपति पौडेलं श्रम संस्कृतियात प्रोत्साहन बीत तिबः बियादिल ।
वयेकलं देया कापिकापितक थ्यंगु सामुदायिक रेडियोतयेसं नागरिकया सुचंया नितिं महत्वपूर्ण ज्या यानाच्वंगु न्ह्यथनादिल ।
संघया नायः अर्जुन गिरीं राष्ट्रपति पौडेलयात ताःलाःगु कार्यकालया भिंतुना ब्यूसें सामुदायिक रेडियोयागु तकं हामा जुइत इनाप यानादिल । उगु इलय् अध्यक्ष गिरीं राष्ट्रपति पौडेलयात रेडियो सेट मतिनाया चिं बियादिल । संघया सिरपा काःसें राष्ट्रपति पौडेलं थ्व थःत माःगु न्ह्यथनादिल ।
0 Comments:
Post a Comment