नेसं ११४३ चौलाथ्व त्रयोदशी, ६ वैशाख येँ । राष्ट्रपति रामचन्द्र पौडेलया उसाँय् हाकनं बामलाःगुलिं त्रिवि शिक्षण अस्पताल महाराजगञ्जय् भर्ना याना उपचार न्ह्याकुगु दु ।
राष्ट्रपति पौडेलया छातीया क्वसँ संक्रमण खनेदुगु खः । चिकित्सकतयेसं उपचार न्ह्याकाच्वंगु शिक्षण अस्पतालया प्रशासन प्रमुख बैकुण्ठप्रसाद थपलियां न्ह्यथनादिल ।
राष्ट्रपति पौडेल सोमबाः नं त्रिवि शिक्षण अस्पतालय् स्वास्थ्य परीक्षण याकेत वंगु खः । उगु इलय् अल्ट्रासाउण्ड याना लः लिकाना परीक्षण याकुगु खः ।
विशेषज्ञ चिकित्सकया कथं छातीया क्वसं लः खनेदुगु धैगु निमोनिया, टिबी वा क्यान्सरया संकेत जुइफु । रिपोर्ट धाःसा पितमब्वःनि ।
प्वाथय् समस्या खनेदःसेंलि राष्ट्रपति पौडेल १८ चैतय् नं न्यान्हुतक त्रिवि शिक्षण अस्पतालय् भर्ना जूगु खः ।
0 Comments:
Post a Comment