लिपांगु २४ घाै दुने थप २,६२२ म्हेसित कोरोना भाइरस संक्रमण पुष्टि जूगु दु । स्वास्थ्य तथा जनसंख्या मन्त्रालयया कथं ७,४९९ नमुनाया पीसीआर परीक्षण याना १,७४५ व ४,०२८ एन्टिजेन परीक्षण याना ८७७ म्ह संक्रमित लूगु खः ।
अथेहे २४ घाै दुने कोरोना संक्रमणं २३ म्ह मन्त अथेहे २,२११ म्हेसित काेराेना लन ।
थ्व नापं नेपालय् कोरोना संक्रमितया ल्याः ६ लख ४६ द्व ३६७ थ्यंगु दु् । गुकि ६ लख ११ द्व ४२९ म्ह संक्रमणमुक्त जूगु दुसा ९ द्व २४८ म्हेसिया मृत्यु जूगु दु ।
मन्त्रालयया कथं आः देन्यंकं दूगु २५ द्व ६९० म्ह सक्रिय संक्रमितमध्ये २२ द्व ९९८ म्ह होम आइसोलेसनय् दु । अथेहे संस्थागत आइसोलेसनय् २ द्व ६९२ द्व दु । व मध्ये ५७१ म्ह आईसीयू व १८० म्ह भेन्टिलेटरय् उपचार यानाच्वंगु दु ।
लिपांगु २४ घाै दुने प्रदेश १ य् ४१०, प्रदेश २ लय् ४८ व बागमती प्रदेशय् ८५६ म्ह संक्रमित थप जूगु दु । अथेहे गण्डकीइ २४८, लुम्बिनीइ १४५, कर्णालीइ २५ व सुदूरपश्चिम प्रदेशय् १२ म्ह कोरोना भाइरसया संक्रमण पुष्टि जूगु दु ।
लिपांगु २४ घाै दुने ५६२ म्ह स्वनिगलय् संक्रमित अप्वल । गुकि येँय् ३७८, यलय् १२४ व ख्वपय् ६० म्ह संक्रमित लुत ।
अथेहे झापाय् १८८, मोरङय् १२१, चितवनय् १२०, कास्कीइ ११५ व सुनसरीइ ५७ म्ह कोरोना संक्रमण खनेदूगु खः । मकवानपुरय् ४९, नवलपरासी पूर्वय् ४४, काभ्रेय् ३८, रुपन्देहीय् ३२, बागलुङय् ३१ व दाङय् २८ म्ह संक्रमित लूगु खः ।
अथेहे लमजुङय् २७, गुल्मीइ २४ व नुवाकोट व धादिङय् २३/२३ म्ह कोरोना भाइरस संक्रमण पुष्टि जूगु दु ।
0 Comments:
Post a Comment