दलितयात बालं मब्यूगु द्वप फयाच्वंम्ह सरस्वती प्रधानं थः छेँ थुवा हे मखुगु धासें थःत षड्यन्त्रमुलक ढंगं फसेयाःगु धाःसें रुपा सुनार व पासापिं सुष्मा राइ व सृजना राइ विरुद्ध राष्ट्रिय मानव अधिकार आयोगय् उजुरी तःगु दु ।
बुधबाः आयोगय् निवेदन ब्यूसें थःम्हं जातीय विभेद नापं छुवाछुतया व्यवहार मयाःसां थःप्रति षड्यन्त्र याना प्रहरीइ कुनेगु ज्या याःगुलिं रुपा सुनारयात फक्व कारबाही यायेत माग याःगु दु ।
थः दलित जूगुलिं हे कोठा मब्यूगु धाःसें सञ्चारकर्मी सुनारं प्रहरीइ उजुरी बीधुंका प्रधानयात ज्वंगु खः । प्रहरीं वयेकःयात स्वन्हु कुने धुंका शिक्षा मन्त्री कृष्ण गाेपाल श्रेष्ठया राेहबरय् त्वतुकुगु खः ।
प्रधानं निषेधाज्ञाया इलय् पीसीआर रिपोर्ट मदयेकं कोठा माला महामारी न्यंकेत स्वःगु, काेठा अपराधिक ज्याया नितिं कोठा माला जूगु व थःगु मञ्जुरी मदयेकं फोन रेकर्ड याःगु द्वपं तःगु दु । अथेहे सञ्चारकःमिया परिचयपत्र दुरुपयाेग याःगु तकं द्वपं तःगु दु ।
अथेहे प्रधानं छेँ थुवाः थः भात व ससःमा जूगु धासें थःत काेठा बालं बीगु अधिकार मदुगु न्ह्यथनादिल । थःत छेँ थुवा धका मखुगु द्वपं व जालसाजी याना थःगु मानव अधिकार हनन् याःगु द्वपनय् उल्लेख यानातःगु दु ।
थःम्हं जातीय छुवाछुतया भेडभाब हे मयाःसां रुपा सुनारं थःम्हं हे कामीया म्हाय् धका थःगु जात क्यंगु व विवाद याना मानव विरोधी अपराध याःगु उजुरीइ उल्लेख दु ।
तर थ्व हे झ्वलय् रुपा सुनार नाप १२ द्व तकाय् क्वठा बीगु क्वछिनागु धका नं उल्लेख यानातःगु दु । लिपा फाेनय् काेठा मबीगु धका न्ह्यथनागु व कामीया म्हाय् जुयागुलिं बीमखु धका न्यंबलय् खः धयागु स्वीकाराेक्ति तकं उगु उजुरी उल्लेख याःगु दु ।
0 Comments:
Post a Comment