विश्व स्वास्थ्य संगठन डब्लूएचओं कोरोनाया डेल्टा भेरियन्ट तच्वकं न्यनाच्वंगु धाःसें चिन्ता व्यक्त याःगु दु । थ्व हे अनुपातय् डेल्टा भेरियन्ट न्यनावंसा हलिमय् संक्रमण अप्वइगु खतरा ब्वलंगु डब्लूएचओया धापु दु ।
डब्लूएचओया कथं आःतक डेल्टा भेरियन्ट ८५ देय् खनेदयेधुंकुगु दु । लिपांगु निवाः दुने जक डेल्टा भेरियन्ट ११ गु देसय् खनेदत । आःतक कोरोनाया अल्फा भेरियन्ट सछि व ७० गु देय्, बिटा भेरियन्ट सछि व १९ गु देय् व गामा भेरियन्ट ७१ गु देशय् खनेदु ।
डब्लूएचओं कोरोना भाइरसया संक्रमण यानाच्वंगु अल्फा, बिटा, गामा व डेल्टा भेरियन्टया निगरानी यानाच्वंगु न्ह्यथंगु दु । डेल्टा, अल्फा भेरियन्ट स्वयाँ तीव्र गतिइ न्यनाच्वंगु लुइकुगु खः । डेल्टा भेरियन्ट भारत, नेपाः लगायत देसय् न्यनाच्वंगु दु ।
0 Comments:
Post a Comment