भद्रकाली द्यः भागि याना मनुत छेँ लिहाँ वनी । तर थन कलाकार एसराज गराचं भद्रकालीं लिहाँ वया न्यूरोड गेटय् आराध्यलक्ष्मी खड्गी नापलाना म्ये हाले लात । उलि जक मखु हायेका प्याखँ तकं हुल । मिसाया लँ पना म्ये हाला जुइपिंत हुल्याहा धाइ तर थ्व म्यूजिक भिडियो जूगुलिं मोडल एसराजयात आराध्यलक्ष्मीया साथ दत ।
सहदेव ढुंगानाया खँग्व, शक्ति बल्लबया लसय् गायक नवीन महर्जन ‘मुगलछेँ’ या सलय् हालातःगु नेपाली खस भाषाया लोक पप म्ये ‘न्यूरोड गेटैमा’ या म्यूजिक भिडियोया खँ खः थ्व ।
निर्देशन नापं छायांकन तकं लुजः सिंहया दूगु थूगु म्येय् व्यस्त न्यूरोड गेटया न्ह्यःने सुटिंग यानातःगु दु ।
भद्रकाली, न्यूरोड नापं न्हूगु धरहरा तकं क्यना देकातःगु थूगु म्येय् छाँयांकन उत्कृष्ट खनेदु । तर थूगु म्येया न्हापांगु कमेन्टय् हे गायकयात कुंखिनातःगु दु ।
व्यस्त नायिका नापं माेडल आराध्यलक्ष्मीया थूगु डान्सिंग नम्बर धुंका मेगु प्यपु न्यापु म्ये पिहाँवयेत्यंगु दु । प्याखँम्व जक मखु काेरियाेग्राफर नापं निर्देशनय् दखल दुम्ह खड्गीया याकनं हे ठमेल बजार नांया डिस्काे नम्बर व मायाकाे परिभाषा बाेलया मेलाेडि म्ये वयेत्यंगु दु । गितारिष्ट अनिल शाहिया ठमेल बजार व संचारकर्मि प्रज्वल शाक्यया मायाकाे परिभाषा निगुलिं खस नेपाली म्येय् खड्गीया काेरियाेग्राफी दु ।
0 Comments:
Post a Comment