कोरोना संक्रमणं सीपिनि ल्याःया न्हूगु रेकर्ड, छन्हुं १३९ म्ह मन्त


कोरोना भाइरस संक्रमणं २४ घौ दुने १३९ म्ह मन्त । स्वास्थ्य तथा जनसंख्या मन्त्रालयया कथं नेपाली सेनां व्यवस्थापन याःगु सीम्हया तथ्यांक कथं १३९ म्ह मनु मदुगु न्ह्यथंगु दु ।

अथेहे लिपांगु २४ घौ दुने १७ द्व ६२३ म्हेसिया पीसीआर परीक्षण व ७८८ म्हेसिया एन्टिजेन परीक्षणं कोरोना भाइरसया ९,२७१ म्ह संक्रमित पुष्टि जूगु दु । अथेहे ४००७ म्ह संक्रमणमुक्त जूगु दु । सोमबाःतक देन्यंकं ९३ द्व १४१ म्ह सक्रिय संक्रमित दु ।

उकि ६७१५ म्ह संस्थागत आइसोलेसनय् व ५६ द्व ४२६ म्ह होम आइसोलेसनय् दु । आईसीयूलय् ९१० म्ह व २९५ म्ह भेन्टिलेटरय् वासः याकाच्वंगु दु ।


Share on Google Plus

News: Newa News

    छ्याता
    फेसबुक छ्याता