नेपाल खुद्रा व्यापार संघया नायः राजकुमार श्रेष्ठया निधन जूगु दु । नर्भिक अस्पतालय् वासः याकाच्वंम्ह श्रेष्ठया बिहीबाः न्हिनय् छतात्या इलय् मृत्यु जूगु संघया महासचिव अमुलकाजी तुलाधरं न्ह्यथनादिल । कोभिड संक्रमणलिपा ताः ई निसें श्रेष्ठ वासः याकाच्वंम्ह खः ।
कोभिड संक्रमणया पुष्टि जुइधुंका वैशाख २३ गते अस्पताल भर्ना जुम्ह श्रेष्ठया लिपांगु इलय् कोभिड रिपोर्ट नेगेटिभ वःसां अस्वस्थ हे जुयाच्वम्ह खः ।
कोभिडं लत्या वयेक अस्पताल च्वनादिल तर लिपा रिपोर्ट नोगेटिभ वःसां म्हय् महत्वपूर्ण अंगं ज्या याये त्वःतुगु अस्पतालं न्ह्यथंगु दु ।
२०७५ सालय् नेपाल खुदा व्यापार संघया नायः कथं निर्वाचित जूम्ह श्रेष्ठ २०३६ सालय् संघ स्थापना याम्ह छम्ह संस्थापक सदस्य नं खः ।
ख्वपया बोडे स्थायी छेँ दुम्ह वयेकः लिपांगु इलय् छेँ जः नापं डिल्ली बजार च्वनाच्वंम्ह खः । श्रेष्ठया कला, निम्ह काय् व छम्ह म्हाय् दु । वयेकःया म्हिगः हे अन्तिम सँस्कार जूगु दु ।
0 Comments:
Post a Comment