नेपाल राष्ट्र बैंकं बिहीबाः मौद्रिक नीतिया समीक्षा सार्वजनिक याःगु दु । मौद्रिक नीतिया बुँदा नं. ६७ इ बैंक तथा वित्तीय संस्था, भुक्तानी सेवा प्रदायक व भुक्तानी प्रणाली सञ्चालकयागु विद्युतीय भुक्तानी सेवा प्रदान याये नापं ग्राहक नाप सेवा शुल्कसम्बन्धी व्यवस्थाय् पुनरावलोकन यायेगु च्वयातःगु दु ।
राष्ट्र बैंकं अन्तर एटिएम कारोबारय् शुल्क मकायेगु व्यवस्था कार्यान्वयन जुयाच्वंगु स्पष्ट याःगु दु । अन्तर एटिएम कारोबारय् शुल्क काय् दइगु बारे थथें निर्णय मजुनिगु न्ह्यथंगु दु ।
बैंकतयेसं निःशुल्क एटिएमया व्यवस्था लागू जुयाच्वंगु स्पष्ट याःगु दु । थ्व न्ह्यः कोरोना भाइरसया महामारी जुया बैंकतयेसं चैतया निगुगु वा निसें अन्तर एटिएम कारोबार निःशुल्क याःगु खः ।
लिपा राष्ट्र बैंकं मेगु व्यवस्था मजूतले अन्तर एटिएम कारोबारय् शुल्क मकायेत उजँ ब्यूगु खः ।
0 Comments:
Post a Comment