नेपाःया मतं राष्ट्रसंघं गजियात खतरनाक लागुवासःया धलखँ चीकल


राष्ट्रसंघीय नियोगं गजियात खतरनाक लागुवासःया धलखँ चीकेगु प्रस्ताव पारित याःगु दु । थ्व निर्णयनापं गजि वासःया वनस्पति कथं स्वीकार जूगु दु ।

भियनाय् क्वचाःगु नियोगया वार्षिक सम्मेलनय् गजि दुगु वस्तुयात खतरनाक लागुवासःया चीकेत याःगु प्रस्तावय् २७ गु देसं समर्थन याःगु दुसा २५ दें विपक्षय् मतदान याःगु दु । 

प्रस्तावया पक्षय् नेपालं नं मतदान याःगु खः । अमेरिका, बेलायत, दक्षिण अफ्रिका, क्यानडा, अस्ट्रेलिया, फ्रान्स, इटाली, जर्मनी, भारत नापंया देसं थुकिया पक्षय् मतदान याःगु खःसा जापान, इराक, ब्राजिल, चीन, रूस, पाकिस्तान नापंया देसं विपक्षय् मतदान याःगु खः । युक्रेन धाःसां मतदानय् ब्वति मकाःगु खः ।

राष्ट्रसंघया ’सिंगल कन्भेन्सन अन नार्कोटिक ड्रग्स १९६१’ कथं गजियात खतरनाक लागुवासःया धलखय् तःगु खः । आः धाःसा वासःया गुण दुगु व म्हो खतरनाक लागुवासःया धलखय् तःगु दु ।

लिपांगु इलय् थीथी वैज्ञानिक अनुसन्धानं गजि वासः कथं छ्यलेज्यूगु पुष्टि याःगु दु । 

न्हापा नेपालय् गजिया तःधंगु उत्पादन व व्यवसाय जुया सरकारं सन् १९६१ सालय् लागुवासः ऐन जारी याःगु खः । मेगु दँ उत्पादन, बिक्री व आयात निर्यातय् अनुमतिपत्र कायेमाःगु नियम देकुगु खः ।

राष्ट्रसंघया दबाबं सरकारले सन् १९७३ जुलाई १६ निसें गजि बंजा बन्द याःगु खः ।

हिप्पी कालय् येँ दुहाँवःपिं अमेरिकी गजि त्वना थन हे च्वंसेंलि अमेरिका चिन्तित जूगु खःसा दबाब बिया नेपालय् प्रतिबन्ध याःगु खः ।

Share on Google Plus

News: Newa News

    छ्याता
    फेसबुक छ्याता