परीक्षण याइपिं म्हो जुया ’एन्टिजेन’ परीक्षण आरडिटि स्थगित जूगु दु । सरकारं एन्टिजेन परीक्षण सोमबाः निसें न्ह्याकुगु खः तर सोमबाः व मंगलबाः जक परीक्षण याना बुधबाः निसें हाकनं दिकुगु दु ।
इपिडियोमोलोजी तथा रोग नियन्त्रण महाशाखाया निर्देशक डा. वासुदेव पाण्डें ’एन्टिजेन’ परीक्षणय् मनुतय् आकर्षण मदुगुलिं सहलह याना जक परीक्षण न्ह्याकेगु न्ह्यथनादिल ।
३ द्व परीक्षण यायेगु धाःसां १५ स म्हेसिया जक परिक्षण जूगु खः । थुकि पोजेटिभ वःसा १४ न्हु होम आइसोलेसनय् च्वनेमाःगुलिं परीक्षण याःपिं म्हो जूगु धाःगु दु । आः तक याःगु परीक्षणया विश्लेषण धाःसा जुइगु पाण्डें न्ह्यथनादिल ।
निन्हु दुने १५ स म्हेसिया परीक्षण याना १२० म्ह व धैगु ८ प्रतिशत पोजेटिभ खनेदूगु खः ।
सरकारं वंगु सोमबाः एन्टिजेन परीक्षण स्वनिगःया ’हटस्पट’ कथं १८ गु थासय् परीक्षण याःगु खः । थुकि म्होतिं छगु लख ’एन्टिजेन’ परीक्षण यायेगु धाःसां परीक्षण याइपिं मनुतय् म्हो खनेदुगुलिं अन्यौल जूगु वयेकलं न्ह्यथनादिल ।
थुखे विज्ञतयेसं ’एन्टिजेन’ परीक्षण विश्वसनीय मजूगु धका धयाच्वंगु दु । तर विश्व स्वास्थ्य संगठन व अमेरिकाया ’फुड एन्ड ड्रग एसोसिएसनं’ स्वीकृति ब्यूगुलिं थुकियात हाकनं छ्यलेत्यंगु खः ।
0 Comments:
Post a Comment