येँ व ख्वपया न्यागु उद्योगं विषाक्त रसायनयुक्त स्यानिटाइजर याःगु धाःसें कारबाही याःगु दु ।
औषधि व्यवस्था विभागया प्रयोगशालय् याःगु परीक्षणय् येँया प्यंगु व ख्वपया छगु उद्योगं मनुया उसाँय् बामलाइगु केमिकल छ्यला स्यानिटाइजर उत्पादन याःगु लुइकुगु दु ।
मापदण्डविपरीत स्यानिटाइजर उत्पादन याःगु उद्योगय् येँया हाइजिन सोप एण्ड केमिकल प्रालि, आधार केमिकल एण्ड फुड इन्डष्ट्री, सर्च केम कम हर्बल प्रडक्ट्स व सूर्यमुखी हर्बल प्रडक्ट्स खः । अथेहे ख्वपया नेपाल कायाकल्प उद्योग कारबाही लाःगु दु ।
औषधि व्यवस्था विभागं उगु उद्योगं उत्पादन याःगु ‘इन्सट्यान्ट ह्याण्ड स्यानिटाइजर’, ‘इन्सट्यान्ट ह्याण्ड स्यानिटाइजर ओरिजिनल’, ‘एडभान्स्ड ह्यान्ड स्यानिटाइजर’, ‘इन्सट्यान्ट ह्याण्ड स्यानिटाइजर रिफ्रेसिङ जेल’ व ‘सूर्यमुखी ह्याण्ड स्यानिटाइजर’ मछ्यलेत धाःगु दु ।
विभागया उगु स्यानिटाइजरय् विषाक्त रसायन मेथानोल छ्यलातःगु दु । विषाक्त रसायन मेथानोलं मानव स्वास्थ्यय् गम्भीर असर लाकिगु विभागं न्ह्यथंगु दु ।
0 Comments:
Post a Comment