२०१ न्हूपिं संक्रमित पुष्टि, काठमाडौं मेडिकलय् अप्रेशन याम्ह मिजँ टिचिंगय् सित


२४ घौ दुने ४९२४ पिसिआर परिक्षण नापं २०१ म्ह न्हूपिं संक्रमित पुष्टि जूगु दु । कपिलवस्तु ६९, रुपन्देही २७, सर्लाही १५, रौतहत १०, महोत्तरी ९, नवलपरासी ८, दैलेख ७, कालिकोट ७, सुनसरी ७, पर्सा ७, दांग ५, काठमाडौ ३, कैलाली ३, ताप्लेजुंग ३, डोटी २, पाल्पा २, झापा २, प्यूठान २, सल्याण ३, मोरंग २, तेह्रथुम १, सुनसरी १, धनुषा १, पाँचथर १, सिन्धुपाल्चोक १, धनकुटाय् १, सप्तरी १, याना २०१ कोरोना पुष्टि जूगु स्वास्थ्य मन्त्रालयं पुष्टि जूगु दु । थ्व नापं सीपिनि ल्याः २३०० जूगु दु ।

काठमाडौं मेडिकल कलेजय् अप्रेशन जुया टिचिंगय् रिफर जूम्ह मेम्ह छम्ह नं थौं सीगु मन्त्रालयं न्ह्यथंगु दु । दोल्खाया ७६ दँ दुम्ह मिजँ हेमोराइजड स्ट्रोक जूया अप्रेशन जूम्ह थौं आइसियुलय् मदुगु खः । थ्व नापं सिपिनि ल्याः ९ थ्यंगु दु । थुम्ह ल्वगि पाखें हे काठमाडौं मेडिकल कलेजया म्हिगः स्वास्थ्यकर्मी संक्रमित जूगु खःसा थौं थप स्वम्ह संक्रमित जूगु दु । कलेज धाःसा सिल याये धुंकुगु दु ।

१५५८६८ क्वारान्टाइनय् च्वनाच्वंगु दु । न्हूपिं १२ म्ह कोरोना नेगेटिभ जुया डिस्चार्ज जूगु दु । टिचिंग अस्पतालया कपिलबस्तुया मचा नं डिस्चार्ज जूगु दुसा टेकु अस्पतालं छम्ह डिस्चार्ज जूगु दु । थ्व नापं २७८ म्ह संक्रमितपिं डिस्चार्ज जूगु दु ।

Share on Google Plus

News: Newa News

    छ्याता
    फेसबुक छ्याता