स्वास्थ्य तथा जनसंख्या मन्त्री भानुभक्त ढकालं कोरोना सङ्क्रमित तच्वःसा जक अस्पतालय् भर्ना यायेगु न्ह्यथनादिगु दु ।
अन्तर्राष्ट्रिय बौद्ध संस्था चु जी फाउण्डेसनया पहलय् हेल्थ इन्भाइरोमेन्ट एण्ड क्ल्याइमेट एक्सन फाउण्डेसनं बुधबाः उपलब्ध याःगु स्वास्थ्य सामग्री ग्रहण याःसें मन्त्री ढकालं सामान्यावस्थाया ल्वगियात आइसोलेसन कक्ष देका तयेगु न्ह्यथनादिल ।
अन्तर्राष्ट्रिय अभ्यास व अध्ययनं ८० प्रतिशत ल्वगियात अस्पताल भर्ना यायेम्वाःगु व १५ प्रतिशतयात स्वास्थ्यकर्मिया ग्वाहालि मालिगु न्ह्यथनादिल । उकि ५ प्रतिशत जक आइसियु वा भेन्टिलेटरया सुविधा माःगुलिं उकिया नितिं तयारी न्ह्याकागु न्ह्यथनादिल ।
निद्व संक्रमित पुले धुंकुगु अवस्थाय् थ्य ल्याः लछि दुने १५ द्व थ्यनिगु अनुमान यानादिल ।
छ्याता
फेसबुक छ्याता