प्रमुख विपक्षी नेपाली कांग्रेसं संविधान संशोधनया पक्षय् मतदान यायेत्यंगु दु ।
पार्टी ज्याकु सानेपाय् शनिबाः च्वंगु कांग्रेस केन्द्रीय कार्यसमितिया मुँज्यां लिम्पियाधुरायात कःघाना न्हूगु नक्साकथं निशान छाप हिलेगु नितिं संविधान संशोधन विधेयकया पक्षय् मतदान यायेगु निर्णय याःगु खः ।
सुगौली सन्धिं कालीपूर्वया भूभाग झीगु धका प्रष्ट धयाच्वंगु व थुकियात अंग देकेगु कथं सरकारं हःगु संविधान संशोधन प्रस्ताव उचित जूगु काँग्रेस सचिवालयं न्ह्इथंगु दु । थुकिया पक्षय् मतदान यात संसदीय दलयात उजँ तकं ब्यूगु दु ।
वंगु बुधबाः संसदय् विधेयक न्ह्यब्वयेगु क्वःछ्यूगु खःसा छन्हु न्ह्यः सर्वदलीय बैठकय् कांग्रेसं फ्वंगुलिं संसदया कार्यसूचीं चीकुगु खः ।
नापं काँग्रेसं तराई मधेसया मुद्दायात सम्बोधन जुइकथंया संशोधन दर्ता याकेत्यंगु दु । तराई मधेसया दलतयेसं नकतिनि जक कांग्रेस सभापति देउवायात नापलाना निशान छाप हिलेगु नितिं संविधान संशोधन यायेगु इलय् मधेसया मुद्दा नं संशोधनया नितिं पहल यायेत इनाप याःगु खः ।
छ्याता
फेसबुक छ्याता