संविधान संशोधन विधेयक संसदय् पेस याःगु दु । कानुन, न्याय तथा संसदीय मामिलामन्त्री शिवमाया तुम्बाहाङ्फें नेपाःया संविधान (निक्वःगु संशोधन) विधेयक, २०७७ प्रतिनिधिसभाय् पेस यानादीगु खः ।
प्रतिनिधिसभाया आइतबाःया मुँज्याय् संविधान संशोधन विधेयक पेस यायेत अनुमति फ्वनेगु प्रस्ताव निर्विरोध पास जुइधुंका मन्त्री तुम्बाहाङ्फें संविधान संशोधन विधेयक पेस यानादिल । उगु प्रस्तावय् सुँ सांसदं विरोधया सचं मतः ।
संविधानया अनुसूची ३ य् नेपाःया निशान छापय् उल्लेख जूगु नक्सा नेपाःया परिमार्जित वास्तविक नक्साकथं देकेमाःगु जूगुलिं संविधान संशोधन विधेयक हयागु मन्त्री तुम्बाहाङ्फें संसदय् कनादिल ।
छ्याता
फेसबुक छ्याता