थौं २४ घौ दुने पिसिआर परिक्षण २८५३ जूगु दुसा आरडिटि परिक्षण ४०५४ जूगु दु । पिसिआर विधिं परिक्षण अप्वय् नापं कोरोना संक्रमितया ल्याः अप्वयाच्वंगु दु । २४ घौ दुने १६६ न्हूपिं संक्रमित पुष्टि जूगु दु । अथेहे निम्हेसिया मृत्यु जूगु पुष्टि याःगु दु ।
क्वारान्टाइनय् मुक्कं १,१९,१९२ मनुत च्वनाच्वंगु दु । उपचारया नितिं १,३४९ म्ह मनुत आइसोलेसनय् च्वनाच्वंगु दु । जम्मा छम्ह जक कोरोना लना डिस्चार्ज जूगु दु । आःतक २२० म्ह डिस्चार्ज जूगु दु । गुकि मिजँ १७२ व मिसा ४८ डिस्चार्ज जूगु खः ।
संक्रमितत रौतहतय् २९, सल्यांग २५, धनुषा २१, कालिकोटया १८, दैलेख १८, सप्तरी १२, पर्सा १०, सर्लाही १०, कपिलबस्तु ५, बाँकेय् ४, नेपालगञ्ज ४, झापा ४, कैलाली ३, बाजुरा २, मोरंग १, स्यांजा २, तनहुँ १, बाजुरा १, सुर्खेट १ (४ महिने मचा)य् कोरोना पुष्टि जूगु दु । थ्व नापं नेपाःया कोरोना संक्रमितया ल्याः १५६७ थ्यंगु दु ।
दैलेखया क्वारान्टाइनय् छम्ह व बाजुराया २ दँया मिसा मचाया मृत्यु कोरोनां संक्रमण जूगु मन्त्रालयं पुष्टि याःगु दु । थ्व नापं सीपिनि ल्याः ८ थ्यंगु दु ।
छ्याता
फेसबुक छ्याता