प्रधानमन्त्री ओलीं इजरायलय् च्वंपिं नेपामिया बारे च्यूता तयादिल


प्रधानमन्त्री केपी शर्मा ओली व इजरायलया राष्ट्रपति रुभेन रुबि रिभ्लिन दथुई इजरायलय् च्वनाच्वंपिं नेपाःमिपिनिगु सुरक्षा व कल्याणया विषयलय् २० गु मिनेट टेलिफोन खल्हाबल्हा जूगु दु । प्रधानमन्त्री ओलीया च्यूता प्रति इजरायलया राष्ट्रपतिं नेपामिपिं थःथिति कथं हे इजरायलय् च्वनाच्वंगुलिं च्यूता मकायेत भलसा बियादीगु दु ।

अथेहे प्रधानमन्त्री ओलीं इजरायलया ७२ क्वःगु स्वतन्त्रता दिवसया लसताय् भिन्तुना तकं देछानादीगु थःगु ट्विटरय् उल्लेख यानादीगु दु । इजरायलया कृषि प्रविधि नेपाः दुत हयेगु विषलय् खल्हाबल्हा जूगु प्रधानमन्त्री ओलीं न्ह्यथनादीगु दु ।

कोरोना विरुद्ध नापं ल्वायेगु व वयाँलिपा आर्थिक रुपान्तरनय् नापं न्ह्यायेगु खँय् तकं सहलह जूगु न्ह्यथंगु दु ।




Share on Google Plus

News: Newa News

    छ्याता
    फेसबुक छ्याता