नेपाली कांग्रेस प्रदेश नम्बर एक संसदीय दलं कोभिड १९ नियन्त्रणया नितिं थथें पीसीआर परीक्षणया दर अप्वयेकेत माग याःगु दु । अथेहे आरडीटी परीक्षण विश्वसनीय मजूगुलिं थुकियात दिकेमाःगु माग तःगु दु ।
कांग्रेस प्रदेश नम्बर १ संसदीय दलया मुँज्यां प्रदेशय् कोरोना संक्रमणया उच्च जोखिम दूगु क्वःछ्यूगु दु । उदयपुरया त्रियुगा नगरपालिका वडा नम्बर ३ भुल्केय् २८ म्ह संक्रमित खनेदूगुलिं फुक्क स्थानीय जनता व स्वापु दुपिंनि पीसीआर विधिं परिक्षण यायेमाःगु सरकारनाप माग तःगु दु ।
अथेहे गाईघाट बजाः, मोतीगढा, देउडी, जलजलेनापंया लागाय् तकं पीसीआर विधिं कोरोनाया परीक्षण यायेत कांग्रेसं इनाप याःगु दु । उदयपुरय् कोरोना उपचार केन्द्र स्थापना यायेमाःगु माग तकं तःगु दु ।
अथेहे राहत कोषय् मुंगु नगद व जिन्सीया विवरण, स्वास्थ्य सामग्री न्याःगुया खर्च व समग्र वितरण प्रक्रिया पारदर्शी देकेत कांग्रेसं माग याःगु दु । मन्त्रीतयेसं थःगु निर्वाचन लागाये जक राहत केन्द्रीत याःगु कांग्रेसं द्वपं ब्यूगु दु ।
दैनिक ज्याला मजदुरी याइपिं, किसान, निम्न मध्यम वर्गीय, मध्यम वर्गीय परिवार, उद्योगी व्यवसायीपिंत तकं लकडाउनं प्रभाव लाःगुलिं एकमुष्ठ राहतया प्याकेज घोषणा यायेत माग तःगु दु ।
छ्याता
फेसबुक छ्याता