लकडाउन धाःगु लकडाउन हे जूगु प्रमया धापु, स्वनिगलं पिने मनु मछ्वयेत मुख्यमन्त्रीपिनि दबाब


प्रधानमन्त्री केपी शर्मा ओलीं ’लक डाउन धाःगु लक डाउन हे खः, अकें कडा रुपं पालना यायेमाःगु न्ह्यथनादीगु दु । मुख्यमन्त्रीपिंत शनिबाः निर्देशन ब्यूसें वयेकलं लक डाउनय् छुं कथंया सम्झौता मयायेत उजं बियादिल ।
प्रधानमन्त्री ज्याकुथिइ न्हेगु प्रदेशया मुख्यमन्त्रीनाप भिडिओ कन्फरेन्सय् प्रधानमन्त्रीं अमेरिका, इटाली, फ्रान्स, बेलायतथें जाःगु देसं कोरोना नियन्त्रण यायेमफूगु धाःसें गम्भिर जुइत न्ह्यथनादीगु खः ।

जनतायात दुःख मजुइगुलि तकं ध्यान बीत वयेकलं उजं बियादिल ।

उखे प्रधानमन्त्री ओलीयात मुख्यमन्त्रीतयेसं छुं नं बाहनाय् भारतनापया सिमानां मनु दुमकायेत दबाब ब्यूगु दु । स्वनिगलं छन्हु जक मखु, छ घौ तक नं सुयातं पिने मछ्वयेत व लकडाउन तकं भारतया अवस्था स्वया जक चायेकेत दबाब बियाच्वंगु दु ।

Share on Google Plus

News: Newa News

    छ्याता
    फेसबुक छ्याता