र्यापिड टेष्टय् नेगेटिभ खनेदुम्ह मिसायात पीसीआर बिधिं परीक्षण याना स्वया कोरोना संक्रमणया पुष्टि जूगु स्वास्थ्य मन्त्रालय स्रोतं न्ह्यथंगु दु ।
कैलाली, लम्किचुहाया ६५ दँ दुम्ह मिसायात नेगेटिभ खनेदुगुलिं छेँ लित छ्वःगु खः । वीरगञ्ज नाकाय् च्या मीम्ह वयेक नापं १७ म्ह मनु चैत ९ गते जक कैलालीया लम्की थ्यंगु खः ।
फुक्कसित न्हापा लम्की बहुमुखी क्याम्पसया क्वारेन्टाइनय् तयागु लम्किचुहाया मेयर महादेव बजगाईं न्ह्यथनादिल । तर रिपोर्ट नेगेटिभ वयेधुंका २८ चैतय् छेँ लित छ्वःगु खः । आः हाकनं फुक्कसित क्वारेन्टाइनय् तयेगु तयारी जुयाच्वंगु दु । कोरोना संक्रमण खनेमदया छेँ लिहाँछ्वःगु कैलालीया थ्व निक्वःगु घटना खः ।
थ्व न्ह्यः क्वारेन्टाइनय् तयाः कोरोनाया लक्षण खनेमदुगु धका छेँ लितछ्वःगु खःसा । लिपा उम्ह मनुयात परीक्षण याःबलय् कोरोना संक्रमण पुष्टि जूगु खः ।
छ्याता
फेसबुक छ्याता