नेपाः चाहिले दँ २०२० यात लक्षित यानाः बेलुन नेपालं थुगुसी पर्यटकीय सिजन न्ह्यायेवं हाकनं बेलुन ब्वयेकेत्यंगु दु ।
वंगु दँ निसें व्यवसायिक उडान न्ह्याकूगु बेलुन नेपालं वइगु सेप्टेम्बरनिसें बेलुन ब्वयेकेत्यंगु बेलुन नेपालया नायः बिक्रम बाडें कनादीगु दु ।
वंगु दँ पर्यटकीय लागाय् न्हूगु साहसिक कासा कथं हट एयर बेलुन न्ह्याकूगु बेलुन नेपालं ससक्त ज्याझ्वत न्ह्याकाः नेपाःयात साहसिक कासाया गन्तव्य दयेकेगु आज्जु काःगु नायः बाडें कनादिल । थ्व सिजनया बुकिङ नं चाःगु दु ।
नवनियुक्त संस्कृति पर्यटन तथा नागरिक उड्डयनमन्त्री योगेश भट्टराईया पर्यटन दँ २०२० तःजिक हनेगु उद्घोष नापं बेलुनया संचालक दीपक श्रेष्ठं पर्यटन दँया निंतिं अन्तर्राष्ट्रिय स्तरया बेलुन महोत्सव यायेगु घाेषणा यानादिल ।
बेलायतया सफल व्यवसायी नापं एनआरएन युके इण्ङल्याण्ड राज्य परिषद नायः पदया उम्मेदद्वार श्रेष्ठं महोत्सवया निंतिं बेलायतय् च्वंम्ह ब्यवसायिक पाईलटतलिसे नं सहलह जुयाच्वंगु कनादिल । थुगु कासा दँय्दसं हने फइगु तर सरकारं ग्वाहालि व सहकार्य याये माःगु धासें सरकारया ग्वाहालि दुसा दँय्दसं थुगु महोत्सव ग्वसाः ग्वयेगु न्ह्यथनादिल।
छ्याता
फेसबुक छ्याता