थौं विश्व फोटोग्राफी दिवस न्यायेकुगु दु । दयेदसं अगस्ट १९ या दिं थुगु दिवस न्यायेकि । सन् २०१० निसें थुगु दिवस नेपालय् न्यायेकुगु खः ।
हलिमय् न्हापागु किपा सन् १८२६ य् फ्रान्सय् काःगु खः । उगु इलय् जोसेफ नाइस्फोर नाइप्सीं हेलियोग्राफीया ग्वाहालिं न्हापांगु किपा काःगु खः । हेलियोग्राफी धागु नं फोटोग्राफीया छगु प्रक्रिया खः ।
अष्ट्रेलियाया फोटोग्राफर कोस्र्के आराया कुतलं औपचारिक रुपं थुगु दिवस न्यायेकुगु खः । सन् १८३९ अगस्ट १९ य् फ्रान्स सरकारं फोटोग्राफी विधायात न्हापांगु खुसिइ मान्यता ब्यूगु दिंयात दँयेदसं विश्व फोटोग्राफी दिवस कथं न्यायेकुगु खः । नेपाललय् धासा वैशाख १३ गते फोटो पत्रकारिता दिवस न्यायेकि । नेपाःया पत्रकारिता इतिहासय् न्हापांगु खुसि विसं १९८४ वैशाख १३ गते गोरखापत्रय् किपा छापे जूगु सन्दर्भयात कया थुगु दिं फोटो पत्रकारिता दिवस न्यायेकाच्वंगु दु ।
छ्याता
फेसबुक छ्याता