महेन्द्र सिंह धाेनी सेनाय् भर्ति


भारतीय क्रिकेट पुचःया पुलाम्ह कप्तान महेन्द्रसिंह धोनी थाैंनिसें सेनाको पोसाकय् जम्मु कास्मिर गस्तीइ वंगु दु ।

प्रादेशिक सेनाको प्यारासुट रेजिमेन्टया मानार्थ लेफ्टिनेट कर्णेल धोनीं १०६ प्रादेशिक बटालियनय् ३१ जुलाईनिसें १५ अगस्टतक सेना कथं ज्या यायेत्यंगु दु । थन धोनीं गस्ती, गार्ड व पोस्टया ड्युटी यानादी ।

३८ दँ दुम्ह धोनी सन् २०११ य् प्रादेशिक सेनाया मानार्थ लेफ्टिनेट कर्णेल जुयादीगु खः । प्यारासुट रेजिमेन्टय् निला च्वनेगु धोनीया चाहनायात भारतीय सेनां अनुमति ब्यूगु खः । धोनीं वंगु आइतबाः थः निला सेनाय् च्वनेगु भारतीय क्रिकेट टिमया ल्ययेज्या समितियात न्ह्यथंगु खः । धोनीं टेस्टपाखें संन्यास कयादीगु दुसा एकदिवसीय व टी-२० कासापाखें तत्काल सन्यास मकायेगु न्ह्यथंगु दु ।
Share on Google Plus

News: Newa News

    छ्याता
    फेसबुक छ्याता