राष्ट्रियसभाय् न्ह्यब्वःगु गुठी विधेयक थौं लित कायेत्यंगु दु । वंगु वैशाख १७ गते संसदय् दर्ता जूगु गुठी विधेयक, २०७५ नेवाःतय् विरोधलिपा थौं लित कायेत्यंगु खः ।
न्हिनय् छता इलय् सःतातःगु मुँज्याय् भूमि व्यवस्था, सहकारी तथा गरिबी निवारण मन्त्री पद्माकुमारी अर्यालं विधेयक लित कायेगु प्रस्ताव न्ह्यब्वयेगु कार्यसूची दु ।
मन्त्री अर्यालया प्रस्तावय् सांसदतयेसं थःगु सहमति प्वंकेधुंका विधेयक लित काइ । थ्व विधेयक गुठी परम्परा विपरित व थुकिं गुठी संरक्षण मजुइगु धासें विधेयकया यक्व बुँदाय् असहमति तःसें स्थानीय व अभियन्तातयेसं विरोध यानाच्वंगु दु ।
संसद नियमावली कथं विधेयक लित कायेत सरकारं संसदय् प्रस्ताव यायेमा । उकियात सम्बन्धित सदनया बहुमतं स्वीकृत यायेमा ।
गुठियार व सरोकारवालाया तच्वकं विरोध जुइधुंका मन्त्री अर्यालं वंगु असार ३ गते पत्रकार सम्मेलन याना विधेयक लित कायेगु घोषणा यानादीगु खः ।
थ्व झ्वलय् स्वनिगलय् विधेयक लित काःगु विरुद्ध विरोध जुयाच्वंगु दु ।
0 Comments:
Post a Comment