सर्वसम्मतं विधेयक लित काल


राष्ट्रियसभा‌ं गुठी विधेयक सर्वसम्मतं लित काःगु दु । भूमि व्यवस्था तथा सहकारी मन्त्री पद्मा अर्यालं विधेयक लित कायेगु प्रस्ताव न्ह्यब्वःगु खः । 'जनताया भावना कदर याना न्ह्यब्वयागु विधेयक लित कयाः माःगु सहलह व परामर्श यायेगु निर्णय जूगु' जानकारी ब्यूसें विधेयक लित कायेगु नितिं मुँज्याय् प्रस्ताव न्ह्यब्वःगु खः ।

वयेकलं गुठी विधेयक लित काये धु‌का खारेजीया मागप्रति आश्चर्य व्यक्त व्यक्त यानादिल । गूगु खँ लिकाय् धु‌कल व हानं गथे खारेज जुइ? गुठी विधेयक सरकारनाप ल्वायेगु दाउ देकेस्वयाँ विकास व समृद्धिया सहलह याना न्ह्यःने वनेत वयेकलं इनाप यानादिल ।

राष्ट्रियसभाय् वंगु वैशाख १७ गते विधेयक दर्ता जूगु खः ।

विधेयक जेठ ६ गते राष्ट्रिय सभाय् न्ह्यब्वःगु खःसा जेठ १३ गते सामान्य सहलह जूगु खः । विधेयकय् सांसदतयेसं खुगु संशोधन तकं दर्ता याःगु खः । तर यें विधेयकविरूद्ध व्यापक प्रदर्शन जूसेंलि सरकारं विधेयक लित काःगु खः ।
Share on Google Plus

News: Newa News

    छ्याता
    फेसबुक छ्याता